Instrucións para facer unha presentación na clase, Lucía Suárez Fariña (4º ESO B)

Para expoñer ben un traballo, necesitas ter confianza. Unha persoa segura de si mesma ten máis éxito cando está exposta en público. Isto resulta máis doado se segues os pasos seguintes:

1. Fai uns apuntes, pois resultará máis fácil se te perdes.

2. Fai unha boa presentación. Isto non quere dicir que teñas que facer 245 diapositivas. Unha presentación máis ou menos curta chama máis a atención. Con gifs, imaxes, son e algunhas transicións tes o público gañado.

3. Unha boa postura é fundamental, pois se estás coas mans nos petos e lendo pola presentación, a xente desconecta. Ponte dereito, mira a xente, intenta interactuar con eles pois farase menos aburrido.

4. Non esteas serio, pois non é un traballo de universidade súper importante, pero tampouco o tomes a cachondeo ou a profesora enfadarase.

5. Fala alto e claro, sinala a pantalla se che fai falta e comenta as imaxes e debuxos.

6. Acórdate da bibliografía e da data de visualización, así pareces máis ordenado e que non o fixeches nun só día.

7. Ao final da presentación, interactúa coa xente. Se hai preguntas, respóndeas e dá igual o parvas que sexan así parece que dominas o tema.

Asegúroche que estes pasos farán de ti un profesional nas presentacións e terás boa nota. Así non tes que esforzarte tantos nos exames.

ATENCIÓN!!! Se suspendes a avaliación por non aprobar os exames será responsabilidade túa. En ningún momento mencionamos que deixases de facer os teus traballos e deberes.