martes, 22 de novembro de 2016

Poemas de Outono




Na lagoa



Os paxaros piadores,

baixo as pólas das árbores;

esqueceron os tremores,

só seguen o ritmo do vento.



Preto da extensa lagoa,

chorada polas sereas,

unha pedra ladroa

dos soños dos camiñantes.



Peixes no fondo do lago,

tan tranquilos nadando,

vixiando ben ós paxaros,

que sempre intentan pescalos.



Sementes que trouxo o vento,

naceron entre niños de pomba,

foron vendo durante moito tempo,

o que pasou na extensa lagoa.


Lucía Moreira (1º ESO)


Galicia soa



Séntese a néboa ao lonxe                                                                                                           
baten as ondas no peirao                                                                                                           
o vento brúa enfadado.


A deusa Galicia                                                                                                                                  
está enfadada                                                                                                                                     
non está leda                                                                                                                                       
non foi escoitada.


Emigrantes galegos                                                                                                                    
voltade á terroña                                                                                                                                  
sei que ao lonxe                                                                                                                           
sentides morriña.


Galicia quedou triste                                                                                                                          
deixárona soa, a chorar                                                                                                   
 marcharon sen despedirse                                                                                                              
pero Galicia, poderá esquecer?

Elena Pose (1º ESO)


xoves, 3 de novembro de 2016

4 de novembro, Día da Ciencia en Galego


Resultado de imaxes para día da ciencia en galego 2016
Por mor da conmemoración do Día da Ciencia en Galego o alumnado de 4º ESO B, de Ciencias, elaborou unha serie de artigos nos que reflexiona sobre a importancia da ciencia na nosa vida cotiá e sobre a necesidade de aprendermos sobre ciencia na nosa lingua propia. 
 Podedes ver os artigos publicados no noso blog da Biblioteca e do EDLG nesta ligazón.



Ano Internacional dos Legumes 2016 no Día da Ciencia en Galego


Nas aulas de Lingua Galega e Literatura de 2º ESO o alumnado do CPI As Revoltas, baixo a coordinación da profesora Ana Martínez elaborou esta presentación sobre os legumes para traballar o Ano Internacional dos Legumes acordado pola ONU para este 2016 e co gallo de conmemorar o Día da Ciencia en Galego este 4 de novembro.